​Petrobras қызметкерлері пара алды деп айыпталуда

Бразилия прокуратурасы мұнай өнімдерін жеткізуші 3 ірі компания мен Petrobras мемлекеттік мұнай компаниясының қызметкерлеріне қатысты қылмыстық іс қозғады. 

Белгілі болғаны «Витол», «Трафигура» мен «Гленкор» компаниялары Petrobras өкілдеріне пара берген. Тергеу барысында анықталғаны пара берушілерге тауар арзан бағамен сатылады деп уәде етілген екен. 

Естеріңізге салайық, Бразилияның атышулы Petrobras мұнай компаниясының жемқорлыққа қатысы 2014 жылы да әшкере болған еді. Ол кезде қылмыстық іске қатыстылар бағаны көтеру мен пара алу арқылы 3 млрд 800 млн долларды қалталарына басқан.

Дереккөз: 24.kz