Шәкіртақы оқу үлгеріміне байланысты

- Мен гуманитарлық колледждің студентімін, 9200 теңге шәкіртақы аламын. Танысым агротехникалық колледжде оқиды, ол 12000 теңге шәкіртақы алады. Біздің оқу үлгеріміміз бірдей. Шәкіртақы көлеміндегі айырмашылық неде?

Гуманитарлық колледждің есеп бөліміндегілер түсіндіргендей, студенттік шәкіртақы көлемін Білім министрлігі белгілейді және ол жергілікті бюджеттен төленеді. Шәкіртақы сомасы түрлі факторларға байланысты болады. Оқу екпінділеріне 9375 теңге, үздіктерге – 10147 теңге, жетім студенттерге – 10919 теңге тиесілі.