Энергия сатушылар төмен тарифпен келіспейді

Бұдан бұрын хабарлағанымыздай, Табиғи монополияларды реттеу департаменті 20 қарашадан бастап «Атырау Энерго Сату» ЖШС-нің тұрғындар үшін электр энергиясының төмендетілген жаңа тарифтерін енгізді. Баспасөз туры барысында ЖШС директорының орынбасары Тұрлан ДОЩАТОВ бұл шешіммен келіспейтіндігін жасырмаған еді.

Енді міне, «Атырау Энерго Сату» монополияға қарсы қызметтің әрекетін заңсыз деп тану туралы сотқа талап арыз берді. «Құқықтық актілер туралы» ҚР Заңының 65-бабының 4-тармағына сәйкес, жаңа тарифтің қолданылуы сот шешіміне дейін тоқтатыла тұрады.

Мұрат СҰЛТАНҒАЛИЕВ