​Еурокеңес Ұлыбританияның ЕО құрамынан шығуын құптады

Еуропалық кеңес Ұлыбританияның 2019 жылы көктемде ЕО құрамынан шығуы туралы келісімді қабылдады, - деп хабарлайды Tengrinews.kz тілшісі РИА Новости агенттігіне сілтеме жасап.  

"Еуропалық кеңес комиссияға, Еуропалық парламентке және Кеңеске келісім 2019 жылы 30 наурызда күшіне енуі үшін, құрамнан шығудың бірыңғайлығын қамтамасыз ету үшін қажетті қадамдарды қолға алуды ұсынады", - делінген Еурокеңес баспасөз қызметінің хабарламасында. 

"Еуропалық кеңес болашақта ЕО-мен саяси декларацияға сәйкес Ұлыбританиямен тығыз қарым-қатынаста болу туралы шешімін мәлімдейді. Одақтың көзқарасы бұрынғы келісілген шешімдерде айтылған ортақ позициялармен, принциптермен анықталатын болады", - делінген хабарламада.

Сонымен қатар, ЕО елдері көшбасшылары Ұлыбритания премьері Тереза Мэймен кездесу өткізді.

Дереккөз: tengrinews.kz