​Трамп мұнай бағасы төмендегені үшін өзін мақтады

АҚШ президенті Дональд Трамп мұнай бағасының төмендегені үшін өзін мақтады. Бұл мәлімдемені ол Twitter желісіндегі микроблогында жариялады, - деп хабарлайды Tengrinews.kz тілшісі. 

"Қандай керемет, мұнай бағасы түсіп жатыр (рақмет, президент Т). Экономиканың өзге де жақсы жаңалықтарына салықтың қысқаруы ретінде мұны да қосып қойыңдар. Инфляцияның төмендеуі (естіп отырсыз ба, ФРЖ!)" - деп жазды АҚШ президенті. 

Айта кетейік, 23 қарашада мұнайдың әлемдік бағасы құлдырай түсті, дегенмен Brent маркалы мұнайдың бағасы 2017 жылдың 27 қазанынан бері бірінші рет барреліне 59 долларға дейін төмендеді. Бағаның төмендеуі бірқатар себеппен түсіндірілді, олардың ең бастысы - мұнай өндіруді бір уақытта арттырған бірқатар елде экономикалық өсімнің бәсеңдеуі.

Дереккөз: tengrinews.kz