Атырауға «еуроконтейнерлер» келді

Атырау әкімдігінің тұрғын үй-коммуналдық шаруашылық бөлімі, «Арнаулы автобаза» ЖШС үшін, баспасөз хабарламасында айтылғандай, еуропалық стандарттарға сай келетін 222 қоқыс контейнерін сатып алған. Олардың 120-сы қалаға жеткізілген, қазір оларды орнатуға әзірлік жұмыстары жүріп жатыр. «AЖ» тілшісі жаңа «озық» бактардың бұрынғылардан несімен ерекшеленетінін анықтаған еді.

- Жаңа контейнерлерді облыс орталығының орталық көшелеріне орнатуды жоспарлап отырмыз. Ескілері жөнделіп, ауылдық округтерге орнатылады, - деді «Арнаулы автобаза» директоры Алмаз ІЗТЕЛЕУОВ. Ал оның орынбасары Жанболат СҰЛТАНҒАЗИЕВ маған жаңа бактарды көрсетіп, қазіргі кезде Атырауда 700 алаңға 3600 контейнер орнатылғанын, жыл сайын полигонға екі ауысымда 300 тоннаға дейін қоқыс шығарылатынын айтты.

- Осы 222 «еуроконтейнер» қоқыс жәшіктері мәселесін шеше ме? Әлде тағы керек пе?

- Жалпы біз жаңа 1000 контейнерге өтінім берген едік. Әлі де жеткізілімдер болады деп ойлаймын.  

- Жаңа контейнерлердің бұрынғыдан айырмашылығы неде?

- Жаңалары анағұрлым қолайлы, ең бастысы – қақпақтары бар. Сиырлар, қаңғыбас иттер қоқысты аударып-төңкеріп, айналаны бүлдіріп шаша алмайды.

Өз басым бұған күмәнім бар. Қақпақтары қайырмалы: байқап көрдім – маған қиын емес, ал әйелдер, әсіресе, балаларды қоқыс лақтыруға жиі жұмсайды, олар оны қалай ашады? Соған қарағанда, бұл қақпақтар үнемі ашылып тұратын шығар, сонда оның не айырмашылығы болады? Тағы бір мәселе: жаңа бактардың дөңгелекті аяқтары бар, кейбір тұрғындардың оны өздеріне қолайлы жерлерге апарып қояры сөзсіз. Дегенмен, күмәншіл болғым келмейді, кезінде көрерміз; контейнерлердің көбейгенінің өзі жақсы болған.

Фархат ӘБІЛОВ

Суретті түсірген автор