Төтенше оқиға: АҚШ-та бір қаланың халқы түгел көшірілді

1 669 просмотра

Пропан тасымалдайтын вагондар рельстен шығып кетіп, көпірден жолға құлап түскен. Оқиға Байромвилл (Джорджия штаты) қаласында болды, пропан тасымалдайтын жүк пойызының вагондары рельстен шығып кетіп, көпірден тасжолға құлап түсті. Билік қала тұрғындарын көшіру туралы шешім қабылдады, деп хабарлайды WMAZ-TV.

Төтенше оқиға 17 қарашада, жергілікті уақыт бойынша сағат жетінің кезінде (Астана уақытымен сағат 18) болған.

Екі локомотив, 72 жүк тиелген және 69 бос вагоннан тұратын жүк пойызы тасжолдың үстіндегі көпірге келгенде 30-ға тарта вагон жолға құлаған. Рельстен шығып кеткен кейбір вагондарда пропан болғаны хабарланды.

Өрт сөндіру қызметі бастығының мәліметінше, қала тұрғындарының барлығын дерлік эвакуациялауға тура келген. Төтенше жағдай салдарынан ешкім зардап шеккен жоқ.

Дереккөз: sputniknews.kz

19 қараша 2018, 10:08

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.