​Сауд Арабиясында тағы бір журналист өлі табылды - БАҚ

Сауд Арабиясында белгісіз біреулер журналист, жазушы Түркі бин Абдул Әзиз әл-Жассерді түрмеде аяусыз өлтіріп кеткен, - деп хабарлайды  Tengrinews.kz тілшісі Middle East Monitor басылымына сілтеме жасап.

Басылымның мәліметінше, 2017 жылдың наурызында Жассер Twitter желісінде Kashkool атты аккаунт ашып, онда лауазымды тұлғалар мен корольдердің адам құқықтарын бұзған жағдайлары жазып жүргені үшін қамауға алынған. Кейбір дереккөздерге сүйенсек, журналистің осы әрекетін Twitter желісінің Дубайдағы кеңсесінде әшкерелеген.   

Еске сала кетейік, қазан айының басында Ыстамбұлда Сауд Арабиясының журналисі Жамал Хашукджидің де өлі табылғаны жайлы хабарланған болатын. Жамал Хашукджиді Сауд Арабиясының бас консулдығында қылғындырып өлтіргеннен кейін денесін бөлшектеп, жойған. 

Бұл туралы Ыстамбұл прокуратурасы мәлімдеген еді.

Дереккөз: tengrinews.kz