В Атырау -10 
Еуроодақ халықаралық серіктестерімен бірге Иранмен жасасқан ядролық келісімді бұзбайды. Бұл туралы Брюссельде Еуроодақ кеңесінің экономика мен қаржы мәселесі бойынша өткен отырысында айтылды.
Сондай-ақ Еуроодақ елдерінің министрлері осы салада барлық қаржы операциялары әрі қарай жалғасатынын тілге тиек етті. Еурокомиссияның хабарлауынша, қазір ядролық келісімде өзгерістер енгізудің еш қажеттілігі жоқ.
Маргаритис Схинас, Еурокомиссияның ресми өкілі:
– Еуроодақтың ұстанымы айқын. Иран ядролық келісімнің міндеттемелерін бұзбайынша, біз де оларды бұлжытпай орындайтын боламыз. Оны атом энергиясы бойынша халықаралық агенттік – МАГАТЭ 12 мәрте дәлелдеген болатын. Еуроодақ халықаралық серіктестерімен бірге келісімді сақтап қалу үшін әрекет ететін болады.
Дереккөз: 24.kz