Дабылдатқан қаланы

Соңғы кездері мұнай астанасының көшелерінде жедел жәрдем көлігінің сиренасы жиі естілетін болған. Не өзгерді? Шұғыл жағдайлар көбейіп кетті ме? Осы сұрақты «Атырау қалалық медициналық жедел жәрдем станциясы» КМҚК-нің жаңа бас дәрігері Ерлан СҮЙЕУҒАЛИЕВҚА қойған едік.

- Шынымен де, ӨРВИ мен тұмау кезеңі басталып, шақыртулар көбейді. Одан басқа, біз 2014 жылғы 13 қарашадағы үкімет қаулысына көштік. Соған сәйкес, «жедел жәрдем» жүргізушілері бригаданың шақыртуға шыққан кезінен бастап, сондай-ақ, науқасты стационарға тасымалдау кезінде дыбыс сигналы мен маякты қосып қоюы тиіс, - дейді Е. Сүйеуғалиев. – Бір тәулік ішінде Атыраудың «103» пультіне 500-ден астам шақырту түседі, көмек көрсету, кеңес алу немесе ауруханаға жатқызу үшін 150-ге дейін пациент стационарға жеткізіледі. Егер бұрын тасымалдауға орташа алғанда 15 минут уақыт кететін болса, қазір 9 минут кетеді.

Фархат ӘБІЛОВ