Атырау, 13 желтоқсан 07:08
Таңертең бұлыңғыр болады+1, күндіз +2
ҚР Ұлттық банкінің валюта бағамы: $ 370.11  € 419.37  P 5.58

​Ядролық сынақтар үшін Францияның үстінен сотқа шағым түсті

11 қазан 09:46


Гаагадағы Халықаралық қылмыстық сотқа Полинезияда жүргізілген  ядролық сынақтар салдарынан адамзатқа қарсы жасалуы мүмкін қылмыстар үшін Францияның үстінен талап-арыз түсті. Бұл туралы сейсенбі күні франциялық Полинезияның бұрынғы президенті Оскар Темаруға сілтеме жасап Франс Пресс агенттігі хабарлады. 

«Бойымызды борыш пен батылдық сезімі кернеген біз 2 қазан күні Халықаралық қылмыстық сотқа адамзатқа қарсы жасалған қылмыс үшін шағым түсірдік», - деп келтірілген О.Темарудің сөздері. 

«Бұл іс елімізге қарсы ядролық сынақтар үшін жауапты болған Францияның қазіргі кезде көзі тірі барлық президенттерін жауапқа тартуға бағытталған», - деп қосып өтті ол. 

Францияда 1960-1996 жылдар аралығында 210 ядролық сынақ жүргізілген, соның ішінде 17-сі Алжир аумағындағы Сахара шөлінде, 193-і франциялық Полинезияның Фангатауфа және Муруроа атолдарында (інжу аралдары) болды.

Сынақтар салдарынан бірнеше мыңдаған адамның денсаулығы нашарлады. Францияға қарсы шағымдар түсірген шамамен мың адамның жиырмасына жуығына ғана компенсация төленді.   

Дереккөз: inform.kz

Нашли ошибку? Выделите её мышью и нажмите Ctrl + Enter.
 

148 рет қаралдыБасты бет Поделиться:

Подпишитесь и узнавайте о новостях первыми


Басты бет