Талибан ұйымы Ауғанстанның тағы бір ауданын басып алды

Ауғанстанда Талибан күштері Саид-Абад ауданына шабуыл жасап, жергілікті полиция басшысы мен 6 полиция қызметкерін өлтірген. Бұл туралы сол елдің телеарналары хабарлады. 

Саид-Абад ауданы орналасқан Майдан Вардек провинциясының әкімшілігі таратқан ресми мәлімдемеге қарағанда, Талибан қарулы күштері аудан орталығына төрт бағыттан шабуыл жасап басып кірген. Террорлық топ пен полиция арасындағы атыста 7 адам қаза болып, 4 полиция жараланған. Шабуылдан кейін Талибан ұйымы мәлімдеме жасап, Саид-Абад ауданын өз бақылауына алғанын хабарлады.

Дереккөз: qazaqtimes.com