​Нидерландтағы халықаралық ұйымға кибершабуыл жасалмақ болған

Нидерланд билігі сәуір айында Ресейдің 4 азаматын елден шығарғанын мәлімдеді. Олар осы елдегі Химиялық қаруға тыйым салу ұйымына кибершабуыл жасап, оның Wi-Fi желісіне кірмек болған. 

Заңсыз операцияны Ресейдің бас барлау басқармасы ұйымдастырған-мыс. 

Еске сала кетейік, биыл жыл басында Химиялық қаруға тыйым салу ұйымы Солсбери қаласында Скрипальдарға жасалған қастандық пен Сириядағы химиялық шабуылды тергеуге жұмылдырылған еді. 

Қыркүйек айында ақпарат құралдары Нидерландта 2 ресейлік тыңшы ұсталып, елден шығарылды деген ақпарат таратқан. Ол жолы күдіктілер Швейцариядағы әскери зертханаға кибершабуыл жасауды ойластырды делінген.

Дереккөз: 24.kz