Атырауда «жедел жәрдем» көлігі мен кроссовер соғысып, фельдшер көз жұмды

Бүгін, 4 қазанда Атырауда Құрманғазы мен Әлиев көшелерінің қиылысында Ford кроссвері мен «жедел жәрдем» көлігі соқтығысты. ЖКО нәтижесінде сол жерде «жедел жәрдемнің» 30 жастағы фельдшері көз жұмды.

Құрманғазы аудандық орталық ауруханасының бас дәрігері Гүлсара МҮТИЕВАНЫҢ айтуынша, «жедел жәрдем» көлігімен Құрманғазы ауданы орталығынан жүрек сырқаты бар науқасты әкеле жатқан. Алайда көлік апатынан кейін оның миы шайқалғандықтан, алдымен облыстық аурухананың нейрохирургиялық бөліміне жатқызылған.

Мұрат СҰЛТАНҒАЛИЕВ

Суреттер және бейнежазбаны түсірген Нұрбейбіт НҰҒЫМАНОВ