​Сирия босқындарды қабылдауға дайын

Сирия елге ораламын деуші босқындарды қабылдауға дайын. Бұл туралы елдің Сыртқы істер министрі Валид әл-Муаллем хабарлады. 

Оның айтуынша, лаңкестікпен күрес нәтижесінде елдегі ахуал біраз тұрақталған. Ел үкіметі содырлар қиратып кеткен ғимараттарды қалпына келу жұмыстарын жүргізіп жатыр. 

Сондай-ақ Сирия билігі әлем қауымдастығынан босқындардың қайта оралуына қолғабыс етіп, қаражат бөлуді сұрады. Алайда АҚШ пен Еуроодақ елдері Сирияға көмек көрсетуден үзілді-кесілді бас тартып отыр. 

Валид аль-Муаллем, Сирияның Сыртқы істер министрі: 

- Сирия әрі қарай дамып, лаңкестікпен күресті жалғастыруға дайын. Билік мемлекетті көркейтуге білек сыбана кірісіп кетті. Осы орайда лаңкестікке қарсы елдер мен халықаралық ұйымдар көмек қолын созады деп үміттенемін.

Дереккөз: 24.kz