Жексенбі күні Гватемала астанасына жақын жердегі Фрайханес қаласында түрмеде болған тәртіпсіздік салдарынан кем дегенде жеті тұтқын қаза тапты, деп хабарлайды ҚазАқпарат.
Prensa Libre порталының хабарлауынша, келеңсіз жағдай ерлер түрмесіндегі қамалушылар арасындағы жанжалдан басталған. Даудың соңы ауқымды тәртіпсіздікке ұласқан. Тағы төрт адам жарақат алып, олар ауруханаға жеткізілді. Құтқарушылар хабарлағандай, қаза тапқандар атыс қаруымен өлтірілген.
Күзет қызметкерлері қамалушылар қолданған тапаншалардың бірін тапқан. Түрмеде барлығы 2 мың адам жазасын өтеп жатыр.
Дереккөз: inform.kz