Бәрі жалған

№2 сот Атыраудың 34 жастағы тұрғыны Д-ға қатысты ҚР ҚК-нің 233-бабының 2-тармағы (Көрiнеу жалған акциздiк маркаларды өткiзу мақсатында жасау немесе иемдену, сол сияқты пайдалану немесе өткізу) бойынша үкім шығарды.

Бұған дейін оны МКД экономикалық тергеу қызметінің қызметкерлері ұстаған еді. Тінту кезінде көлігінен 300-ден астам қолдан жасалған арақ пен коньяк бөтелкелері табылды, ал акциздік маркалардың қарапайым принтерде басылғаны анықталды.

Сот Д-ны кінәлі деп танып, 1 жылға бас бостандығын шектеу үкімін шығарды.

Фархат ӘБІЛОВ