Атырауда «Тойота» қаққан ана мен бала көз жұмып, қызы ауруханаға түсті

22 қыркүйекте сағат 19.40-та қала маңындағы Құрсай ауылында Toyota Corolla маркалы көлік кішкентай екі баласымен өтіп бара жатқан әйелді қағып кетті. 37 жастағы анасы мен 3 жасар ұлы оқиға орнында көз жұмды. Түрлі жарақаттармен 5 жасар қыз облыстық ауруханаға жатқызылды.

«Тойота» рөлінде Атыраудың жас тұрғыны отырған. ІІД баспасөз қызметі ҚР ҚК-нің 345-бабының 4-тармағы (Екi немесе одан да көп адамның өлiмiне әкеп соққан көлiк құралдарын басқаратын адамдардың жол жүрісі қағидаларын бұзуы) бойынша сотқа дейінгі тергеу басталғанын хабарлады.

Фархат ӘБІЛОВ