SpaceX Айға ұшатын алғашқы туриспен келісім жасасты

1 187 просмотра

Америкалық бизнесмен Илон Макстің SpaceX компаниясы Big Falcon Rocket (BFR) зымыранымен Ай маңына турист ретінде сапар шегетін алғашқы жолаушымен келісімшарт жасасқанын хабарлады.

"SpaceX BFR аппаратымен Айдың маңына сапарлайтын әлемдегі алғашқы жолаушымен келісімге қол қойды. Бұл - ғарышқа ұшуды армандайтын қарапайым адамдарға мүмкіндік беретін алғашқы маңызды қадам" деп хабарлады компания Twitter-де.

Компания жолаушының кім екенін және оның Айға қашан ұшырылатынын айтпады.

Былтыр SpaceX 2018 жылдың соңында Айға екі туристі ұшыру жоспарын жариялаған. Компания Айға ұшу жоспарына қатысты кейбір мәліметтерді 17 қыркүйекте жария етпек.

Дереккөз: azattyq.org

14 қыркүйек 2018, 13:16

WhatsApp арқылы хабар жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.