6-қабатта не болды?

8 қыркүйекте түнде Атыраудың оң жағалауындағы Жарбосынов көшесінде 28 жастағы жігіт тоғыз қатарлы үйдің 6-қабатынан секіріп кетіп, оқиға орнында қайтыс болды.

Атырау облыстық ІІД әзірге бұл жағдайға қатысты жазбаша хат жолдауды сұрап, комментарий бермеді. Оқиға орнында құқыққорғаушы органдардың қызметкерлері жұмыс істеуде. Егер суицид туралы нұсқа расталса, онда бұл бір апта ішіндегі қаладағы екінші өзін-өзі өлтіру болмақ. Айтпақшы, Авангардтағы балалар алаңында асылып қалған жігіттің көршілерінің айтуынша, ол жүйке жүйесі диспансерінде есепте тұрған.

Фархат ӘБІЛОВ