Бразилияда президенттікке үміткерге шабуыл жасалды

Бразилияның Жуиз-ди-Фору қаласында президенттікке үміткер Жаир Болсонаруға шабуыл жасалды. 

Сайлаушылармен кездесу барысында үміткерге пышақ сұққан. Оқыс оқиғадан кейін Жаир Болсонару жедел ауруханаға жеткізілді. Дәрігерлердің айтуынша, қазір оның өміріне қауіп төніп тұрған жоқ. Ал қаскөй тәртіп сақшыларының қолына түсті. Оның бұл қадамға неліктен барғаны әзірге белгісіз. Тергеу ісі басталды. Айта кетейік, бұл елде президенттік сайлау қазан айының 7-сінде басталады. Саяси додада Жаир Болсонару жеңіске жетуі мүмкін деген басты үміткердің бірі.

Дереккөз: 24.kz