Моңғолия Ресейден 1,5 миллиард доллар несие беруді сұрады

Моңғолия Ресейден 1,5 миллиард доллар көлемінде несие беруді сұрады – деп хабарлайды ТАСС ақпарат агенттігі. 

Агенттік мәліметінше, 4 қыркүйек күні өткен Моңғолия және Ресей үкімет аралық комиссия өкілдерінің кездесуінде Моңғолия вице-премьері Ұлан-Батыр қаласындағы ЖЭО-3 және ЖЭО-4 жылыту қазандықтарын жаңарту мен өзге де бірлескен энергетикалық жобаларды жүзеге асыру үшін Ресей тарапынан 1,5 миллиард доллар көлемінде жеңілдетілген несие беруді сұраған. Бұдан бөлек кездесу барысында қос тарап Ресей-Моңғолия-Қытай бағытындағы 30-ға жуық бірлескен жобаны талқылаған. Олардың арасында туризм, мәдениет және қоршаған ортаны қорғау сияқты жобалар бар. 2017 жылғы статистикалық мәлімет бойынша, Моңғолия мен Ресей арасындағы тауар айналымы 1,3 миллиард долларға жеткен.

Дереккөз: qazaqtimes.com