ЕО елшілері Ресейге қарсы санкцияны ұзартуға келісті

1 958 просмотра

Еуропалық дипломаттар Мәскеудің Қырымды аннексиялап, Украина шығысындағы қақтығысқа киліккені үшін Ресейге қарсы салынған санкцияны тағы алты айға ұзартуға шешім шығарды. Бұл туралы Азат Еуропа/Азаттық Радиосының тілшісі Рикард Йозвяк Twitter-де хабарлады. Оның сөзінше, бұл шешім елшілердің 5 қыркүйектегі отырысында нақтыланады.

Еуропа Одағындағы (ЕО) 28 мемлекет елшілерінің Ресейге қарсы санкцияларды ұзартуға келіскенін ТАСС агенттігі де хабарлады. Еуропа кеңесіндегі дереккөздің сөзінше, шешім алдымен жоспарлы отырыста бекітіледі, сосын Еуропа кеңесі оны мақұлдап, ЕО-ның ресми журналында жарияланады.

ЕО Ресейге қарсы компаниялар мен жеке адамдарға экономикалық және қаржылай санкциялар салған.

Дереккөз: azattyq.org

4 қыркүйек 2018, 10:33

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.