«ЖАСSTAR» ЖЕҢІСІ

Х. Досмұхамедов атындағы Атырау мемлекеттік университетінің студенттері Ялтада «У Чёрного моря» деп аталатын халықаралық ән фестивалінде Гран-приді жеңіп алды.

Бұл «Жасstar» вокалдық дуэтінің алғашқы фестивальдық жеңісі емес. Дегенмен Ақтоты АСҚАР мен Аслан ЕРТІЛЕУОВ музыка факультетінде оқып жатқан жоқ. Ақтоты – болашақ қаржыгер, ал Аслан «жаратылыстану» факультетінде білім алуда. Алайда екеуі де бала кезден музыкамен сусындап өскен, АМУ-ге оқуға түскеннен кейін оқытушы Мақыш ҒАЙСИНАДАН вокалдық дәріс ала бастаған.

Аслан мен Ақтоты енді үстіміздегі жылдың қазанында Мәскеуде өтетін «Многоголосие народов мира» атты халықаралық фестивальдің суперфиналына қатыспақ.

Анастасия ПАСТУХОВА