Белгісіз адамдар Анкарадағы АҚШ елшілігіне оқ жаудырды

1 384 просмотра

Соңғы кездері Анкара мен Вашингтон қарым-қатынасы қатты шиеленісіп кеткен болатын. Оқыс оқиға таңғы сағат 05:00 шамасында (Астана уақытымен түнгі сағат 02:00) болған, деп хабарлайды Sputnik Қазақстан РИА Новости басылымына сілтеме жасап.

Ататүрік желекжолымен келе жатқан ақ көлікте отырғандар елшілікке 4-5 рет оқ атқан. Оқтар полиция дүңгіршегіне тиген. Зиян шеккендер жоқ. Дәл қазір оқиға болған жерде полиция қызметкерлері жұмыс істеп жатыр.

2016 жылы түрік билігі америкалық пастор Эндрю Брансонды тұтқындағаннан кейін Вашингтон мен Анкара арасындағы байланыс шиеленісіп кеткен еді. Бұған өзге де әсер етуші факторлар жетерлік. АҚШ қаржы министрлігі Түркия Әділет министрлігі басшысы Абдулахмит Гюл мен ІІМ басшысы Сүлеймен Сойлуға қарсы санкциялар салып, оларды "адам құқықтарын бұзды" деп айыптады.

Дереккөз:sputniknews.kz

20 тамыз 2018, 13:04

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.