Шенеуніктерге еш нәрсе тарту етпеңіз

«Сыбайлас жемқорлық фактілеріне бей-жай қарамай, бізге хабарлайтын азаматтарға жүз пайыз құпиялылық пен қорғауды қамтамасыз етеміз», - деп мәлімдеді Сыбайлас жемқорлыққа қарсы іс-қимыл ұлттық бюросының Атырау облыстық департаменті (Сыбайлас жемқорлыққа қарсы қызмет) бастығының орынбасары Мұрат ДАНИЯРОВ брифингте сенімді түрде.

Оның айтуынша, жыл басынан бері әртүрлі бақылау органдары тарапынан 15 сыбайлас жемқорлық қылмысы тоқтатылған. Сыбайлас жемқорлыққа жағдай туғызатын ахуалды жою туралы 40 ұйғарым шығарылып, олар бойынша 49 тәртіптік жаза қолданылды, соның ішінде 4 лауазымды тұлға жұмыстан шығарылып, 4 адам жұмыстан шығарылды.

«АЖ» сауалдары:

- Ақшалай ынталандыру және қажет болған жағдайда сыбайлас жемқорлық фактілері туралы хабарлаған адамдарды қорғау қалай жүзеге асырылады?

- Біз сыбайлас жемқорлық фактілері туралы хабарлаған 24 адамға жалпы сомасы 3,5 миллион теңге ұсындық. 71-75-11 телефоны немесе Темірханов көшесі, 2 «а» мекен-жайы арқылы хабарласуға болады. Жасырын шағымдар қабылданбайды, бірақ біз құпиялылық пен толық қорғауға кепілдік береміз. Мысалы, тергеу кезінде жасырын баспана береміз. Басқа да қорғау түрлері бар, ол туралы бұл жерде айтудың қажеті жоқ.

ҚР Мемлекеттік қызмет істері және сыбайлас жемқорлыққа қарсы іс-қимыл агенттігі департаменті бастығының міндетін атқарушы Руслан ТҰҢҒЫШБАЕВҚА «АЖ» сұрағы:

- Ақшалай параларға қатысты бәрі түсінікті. Ал егер, айталық, біреу заң шеңберінде проблемасын шешіп берген шенеунікке «шын жүректен» тарту жасағысы келсе ше?

- Заңнамада барлығы жазылған. Мысал келтірейін. Жыл басында Атырау тұрғыны бір мемлекеттік қызметкерге материалдық сый жасағысы келген. Бұл Қылмыстық кодекс бойынша емес, Әкімшілік құқықбұзушылық кодексінің «Жеке тұлғалардың мемлекеттiк функцияларды орындауға уәкiлеттiк берілген тұлғаларға заңсыз материалдық сыйақы, сыйлықтар, жеңiлдiктер беруi не қызметтер көрсетуі» деп аталатын 676-бабы бойынша қарастырылады және 200 АЕК мөлшерінде айыппұл салуға әкеп соғады. Сот оған 481 мың теңге көлемінде айыппұл тағайындады, ол азамат келіспей, апелляциялық шағым берді, бірақ жоғарғы сот инстанциясы бұл қаулыны күшінде қалдырды.

Фархат ӘБІЛОВ

Суретті түсірген автор