В Атырау
-3 
АҚШ президенті Дональд Трамп 2019 жылға арналған әскери бюджетке қол қойды. Бұл рәсім Форт-Драм әскери базасында өткен.
Жаңа бюджет бойынша, ел қорғанысына 716 миллиард доллар бөлінеді. Бұл – соңғы 15 жылдағы ең жоғары көрсеткіш. Жаңа заң АҚШ қарулы күштерінде сарбаздар саны мен олардың жалақысын арттыруды қарастырып отыр.
Сондай-ақ бюджет бойынша ғарышты әскери мақсатта қолдануға және киберқауіпсіздік құралдарына қаржылдандыру өсетін болды. Дональд Трамптың айтуынша, бұл бюджет АҚШ әскеріне кез келген жанжалда жеңіске жетуге мүмкіндік береді.
Дональд Трамп, АҚШ президенті: - Келесі жылы ең үздік ұшақтар мен кемелер, танктер мен зымырандармен жабдықтаймыз. Әлемде оларды бізден сапалы жасайтын ел жоқ. Әрине, әскеріміз қуатты. Мынау қару-жарақтың бәрі өзімізде жасалған. Демек тұрғындарымыз қосымша жұмыс орындарымен қамтылғанын да айтып кету керек.
Дереккөз: 24.kz