Құрамында валсартан бар препараттар нарықтан шығарылды

Денсаулық сақтау министрлігінің Фармация комитетінің төрағасы Людмила Бюрабекова Валтарсан әсер етуші бар заттардың нарықтан шығарылғанын мәлімдеді, деп хабарлайды Baq.kz тілшісі.

Осыған дейін дәрілік заттар бойынша Еуропалық агенттік (ЕМА), АҚШ-тың тамақ өнімдері мен дәрі-дәрмектері сапасын санитарлық қадағалау басқармасы (FDA) Қытай халық республикасы Линхай провинциясында орналасқан Чжэцян Хуахай Фармасьютикалс компаниясымен өндірілген белсенді субстанция валсартанды нарықтан қайтарып алып жатқаны туралы хабарланған болатын. Қайтарып алу себебі – препараттың белсенді фармсубстанциясында кейбір партияларында . ықтимал адам канцерогені ретінде жіктелетін N-нитрозодиметиламин (NDMA) табылды. Белсенді затты өндіру тәсілі өзгергеннен кейін вальсартанда табылып отыр деп есептеледі.

«Бүгінде ЕМА, FDA ұйымдары NDMA деңгейін және препаратты қабылдаған пациенттердің ықтимал әсеріне бағалау жүргізіп отыр. Оның қорытындысы туралы ақпарат ресми органдардың сайттарына жарияланатын болады. Айта кетсек, Валсартан преапараттары қан қысымы жоғары науқастарға инфаркт пен инсульттің алдын алу үшін қолданылады», - деді ол.

Оның айтуынша, ЕМА, FDA осы препаратты нарықтан қайтарып алғанда Дәрілік заттарды сарапатау ұлттық орталығында медициналық техника жасақталып, Валсартан заты бар тіркелген препараттардың барлығын тексергенде аталған фармсубстанцияны қолданатын үш препарат анықталды. Олар: 1) Нортиван, таблеткада, үлбірлі қабықпен қапталған 40 мг, 80 мг, 160 мг өндірген «Гедеон Рихтер» АҚ 2) Вазар таблеткалар 40 мг, 80 мг, 160 мг жән Вазар-Н таблеткалар 80/12,5 мг, 160/12,5 мг, 160/25 мг өндірген БалканФарма-Дупница АД, Teva холдингіне кіретін Қазақстанда Rathiopharm Kazakhstan ЖШС 3) Комби Кардиофикс-сановель Плюс таблеткалар 5/160/12,5 мг, 5/160/25 мг, 10/160/12,5 мг, 10/160/25 мг өндірген Сановель Фармако индустриялық сауда компаниясы, Түркия.

Жоғарыда аталған валсартан бар дәрілік препаратты өндірушілер шикізатты шығаратын компаниядан қанағаттанарлықсыз сапасы туралы хабарлама алды.

«Гедеон Рихтер» ААҚ өкілдігінің хаты негізінде 2018 жылдың 10 шілдесінде ҚР Денсаулық сақтау министрлігінің бұйырығымен 40 мг, 80 мг, 160 мг үлбірлі қабықпен қапталған таблеткалардағы Нортиван дәрілік затының бірқатар топтамалары қайтарып алынды. Сановель Фармако компаниясының препараты тіркелген уақыттан бері бірде-бір рет Қазақстанға жеткізілмеген, ал Балкан Фарма өндіретін препарат Қазақстанға 57-дей сериямен келген», - деді Бюрабекова

Оның айтуынша, тегін медициналық көмек кепілдендірілген көлемі аясында Балкан фарма өндірген Вазар препараты 80 мг «СҚ-Фармация» ЖШС-мен сатып алынған.

«Біз кеше аталған препаратты соңғы тұтынушысы қалғанға дейін қолдану туралы шешім қабылдадық. Аталған препарат ауыр дерттерді емдеуде қолданылатын болған соң министрлік препараттарды қолдануды тоқтатпауды ұсынады. Осыған байланысты көрсетілген өндірушіледің препаратын қолданатын науқастар дереу дәрігерге барып басқа өндірушінің препараттарына ауыстыру қажет», - деді ол.

Ал «СҚ-Фармация» ЖШС басқарма төрағасының міндетін атқарушы Берік Шәріп бүгінде Қазақстанда Валсартан белсенді фармасубстанциясымен 68 препаратта тіркеу куәлігі барын атап өтті. Оның ішінде 22 сауда белгісінің алтауын қытайлық Чжэцян Хуахай компаниясы өндірген. Ал нарықта науқастар ешқандай тәуекелсіз қолдана беретін 16-қа жуық тауар белгісі қалып отыр.

Қолда бар Вазар таблетка 80 мг. Сериялық нөмірлері 471217, 471317, 301717, 333217, 209917, 419817, 420017, 488117 препараттарының қалдықтары тегін рецепті бойынша босатылған сол дәріханаға немесе медициналық ұйымға тапсырылуы қажет. Қайтарылып алынған препарат сериялары бірыңғай дистрибьютормен өндіруші өкілдеріне берілетін болады.

ҚР Денсаулық сақтау министрлігінің Фармация комитетінің ішкі тергеуі барысында Вазар препаратының тіркеу куәлігін қайтарып алу туралы шешім қабылданды.

Қолда бар Вазар таблетка 80 мг. Сериялық нөмірлері 471217, 471317, 301717, 333217, 209917, 419817, 420017, 488117 препараттарының қалдықтары тегін рецепті бойынша босатылған сол дәріханаға немесе медициналық ұйымға тапсырылуы қает. Қайтарылып алынған препарат сериялары бірыңғай дистрибьютормен өндіруші өкілдеріне берілетін болады.

Дереккөз: Baq.kz