Артық анықтаманың керегі жоқ

- Мен қалалық ЖШС-тердің бірінде бір жылдан бері есепші болып жұмыс істеймін. Бүгінгі күні декреттік демалысымды рәсімдеп жатырмын.  Мемлекеттік зейнетақы төлеу орталығында менен еңбекақым жөніндегі анықтама  мен бұрын жұмыс істеген ЖК-дің нотариалды куәландырылған құжаттарын әкелуімді сұрады. Еңбекақы туралы анықтаманың қажет екендігін білемін, бірақ ЖК құжаттарының қажеттілігі қанша? Кез-келген кәсіпкер нотариусқа барып, ол үшін ақша төлеп жатпайды ғой?!

Телефон арқылы

«Босануына байланысты жәрдемақыны төлеу және оған құжаттарды рәсімдеу үшін тек еңбекақы туралы анықтама ғана сұралады. ЖК-дің нотариалды куәландырылған құжаттары егер сол әйелдің өзі жеке кәсіпкер болып табылса және  өзіне ақша бөлетін болса ғана талап етілуі мүмкін»,-дейді Еңбек және халықты әлеуметтік қорғау министрлігінің Атырау облысы бойынша департаменті директорының әлеуметтік мәселелер жөніндегі орынбасары Мәншүк ЛЕПЕСОВА.