Бірдей көше атаулары

- Қалада Мұрат Мөңкеұлы атындағы екі көше бар: біріншісі – бұрынғы Кудряшов көшесі, екіншісі – бұрынғы Қостанай көшесі. Қаланың екі бөлігінде орналасқан көшелердің бірдей аталуы тұрғындарға кері әсерін тигізуде. 

Телефон арқылы

Сұраққа қалалық мәдениет және тілдерді дамыту бөлімінің басшысы Ақылбек РЫСҚАЛИЕВ жауап берді:

- Атырау қаласындағы бұрынғы Кудряшов көшесі 1992 жылы және бұрынғы Қостанай көшесі 2011 жылы қалалық ономастикалық комиссияның ұйғарымымен Атырау қалалық мәслихаттың шешімімен Мұрат Мөңкеұлы есімімен аталған. 

ҚР президенті Н.Назарбаевтың ономастика жұмыстарын жүргізу барысында «кісі аттарына мейлінше шектеу қойып, тарихи жер-су атаулары мен ұлттық танымға жақын дәстүрді атауларды» ғана ұлығылау керектігі туралы 2017 жылғы 28 ақпандағы №17-388-5 тапсырмасына сәйкес, көше атауын беру мүмкіндігі әзірге қарастырылмайды.