Мемлекеттік бағдарламамен алынған кеңсе

- Кезінде біз Алмагүл ықшам ауданынан мемлекеттік бағдарлама бойынша пәтер алған едік. Осы жылжымайтын мүлікке қатысты үш жыл бойына қандайма болмасын операциялар мен келісім-шарттар жасауға құқығымыз жоқ екені белгілі. Алайда мемлекеттік бағдарлама бойынша алынған біздің подъездің бірінші қабатындағы пәтерлердің бірінен әлдебір фирманың кеңсесі ашылған. Бұл қаншалықты заңды?

Алмагүл м/а, №20 үй тұрғындары

Қалалық тұрғын-үй коммуналдық шаруашылық, жолаушылар тасымалы және автомобиль жолдары бөлімінің бастығы Жұмабай ҚАРАҒАЕВТЫҢ қолы қойылған хатта жазылғандай, ипотекалық несиелеу бойынша мемлекеттік бағдарлама арқылы алынған аталмыш пәтер толықтай сатып алынған және мүлікті меншіктен шығару немесе сол пәтермен қандайма болмасын келісім-шарт жасау шарттары сақталған.