Автобус пен асфальтты ұзақ күтеді

2 809 просмотра

- Жұмыскер-1 ықшамауданының «Бекжан» дүкеніне қарсы 147-156 учаскелердің арасындағы аумақты қашан асфальттамақ? Үй 2003 жылы салынды, ал жолды күткенімізге жеті жыл болды. Балаларымыз мектепке әзер барып келеді.

Б., Жұмыскер-1 м/а тұрғыны

- Жұмыскер-2 аумағындағы 612-615 учаскелердің арасын қашан асфальттамақ? Сондай-ақ, №11 маршрут бойынша сыйымды автобустар қашан жүреді немесе қосымша маршруттар қашан ашылады?

Ж., Жұмыскер-2 м/а тұрғыны

Тұрғын үй-коммуналдық шаруашылық, автомобиль жолдары және қоғамдық тасымалдау мәселесіне жауап беретін қала әкімінің орынбасары Әділбек НҰРЛЫҒОЖИЕВ көшелерді асфальттау туралы сұраққа бұл өтініштердің 2011 жылғы қала бюджетін нақтылау кезінде қаралатынын хабарлады. №11 маршруттағы автобустарға келер болсақ, тасымалдаушы фирма - «Данияр және К» ЖШС қазір үлкен автобустарды сатып алу мәселесін қарастыруда. Қосымша маршрут ашу 2011 жылы автобус маршруттарына қызмет көрсетуге ашық конкурс өткізгеннен кейін ғана мүмкін болады.

12 қаңтар 2011, 00:00

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.