Жел тұрса, жарық та жалп етеді

– Томарлы поселкесіндегі Сәулен Жұмағазиев көшесі қашан асфальтталады? Поселкедегі электр желілері қашан ретке келтіріледі? Жел тұрса болды, жарық өшеді де қалады.

К. Байғара

Бізге қала әкімінің орынбасары Әділбек НҰРЛЫҒОЖИЕВТІҢ хабарлағанындай, Жұмағазиев көшесін асфальттау мүмкіндігі 2012 жылға арналған қала құрылысы жоспарын нақтылау барысында қаралатын болады. «Электр желілеріне келетін болсақ, Томарлы поселкесіндегі қазіргі электр желілерін осы елді-мекен тұрғындарының өздері жүргізіп алды. Бұл жерге электр желілері  типтік жоба бойынша жүргізілуі тиіс. Поселке тұрғындарына қалалық әкімдіктің құрылыс бөлімінің бастығы Виктор ЦОЙҒА жолығулары керек»,-дейді Ә.Нұрлығожиев.