10 қыркүйекке қараған түні белгісіз тұлғалар Махамбет ауданындағы Бейбарыс ауылының орталық көшесінде орнатылған Ұлы Отан соғысының сарбаздарына арналған монументті қорлады.
- Бұзақылар монументтегі әріптер мен цифрларды жұлып тастап, сыртқы жарық шамдарын сындырып, монумент төңірегіне орнатылған отырғыштарды қиратқан, - деп хабарлайды Атырау облыстық ІІД баспасөз қызметінің жетекшісі Гүлназира МҰХТАРОВА. – Полиция қызметкерлері осы вандализм актісіне қатысы бар тұлғаларды анықтап, ұстады. Олар Бейбарыс ауылының 19 жастағы төрт тұрғыны болып шықты. ҚР ҚК-нің 294-бабы бойынша қылмыстық іс қозғалды.
Тамара СУХОМЛИНОВА