Наубайхана өнімдері сұраныста

Жанбай ауылында екі наубайхана бар. Олар жұртшылықтың сұранысына ие болуда. Мәселен, Еділжан ТІЛЕПҚАЛИЕВТІҢ наубайханасы тапсырыспен кеспе, тіпті, еттің қамырына дейін дайындап береді.

- Түрлі тәттілерге той кезінде ұсыныс түседі. Біз кімнен не сұраныс түседі, соны қанағаттандыруға тырысамыз. Бұдан бөлек ақ, қара бөлке нандардың күніне 150-160-сын дайындаймыз. Біреуін 50 теңгеден сатамыз. Бағаны одан әрі төмендетуге мүмкіндік жоқ. Себебі, түрлі шығындарды және несиемізді өтеуіміз керек қой , - дейді Е. Тілепқалиев.

Олар осы кәсіптерін бастамас бұрын «Ауыл шаруашылығы қаржылай қолдау қоры» АҚ-ның Атырау филиалынан 3 млн теңге несие алған.

Ләззат ҚАРАЖАНОВА