Американың Лос-Анджелес қаласы Халықаралық олимпиада комитетіне 2024 жылы жазғы Олимпиада ойындарын өткізуге ресми өтінім жолдады. Бұл туралы АҚШ Ұлттық олимпиада комитетінің ресми сайтында хабарланған.
«ХОК президенті Томас Бахтың маңызды бастамасы – «Күн тәртібі-2020» бағдарламасы туралы сөз қозғағанда, ХОК-тың Олимпиада ойындарын өткізуге қажетті барлық талаптарға сай келетін қаламен ынтымақтастық орнатуды қалайтынын аңғаруға болады», - дейді ЮСОК атқарушы директоры Скот Блэкманның мәлімдемесінде.
«Олимпиада жалауын 25 жылдан кейін АҚШ төрінде қайта желбіретуге біздің қаланың мүмкіндігі мен тәжірибесі жетеді. Лос-Анджелес тарихымыздың маңызды сәттерінде Олимпиада қозғалысымен ынтымақтасқан қала. Біздің қаланың өтінімін ХОК-қа тапсыру бақыты маған және мэр Гарсеттиге бұйырды. Бұл біз үшін үлкен қуаныш. Жаһандық маңызы зор спорт шарасын өткізуден үмітті барлық қалаға тек сәттілік тілеймін», - дейді өтінім комитетінің жетекшісі Вассерман.
2024 жылғы Олимпиада ойындарын өткізуден сондай-ақ Рим (Италия), Гамбург (Германия) және Будапешт (Венгрия) шаһарлары үмітті.
Дереккөз:bnews.kz
16 қыркүйек 2015, 12:22
Қате таптыңыз ба? Тінтуірмен белгілеп, Ctrl + Enter түймесін басыңыз.
Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.