Венгрияда шекараны заңсыз кесіп өтпек болған 9,3 мыңнан астам мигрант ұсталды

Венгрияның құқық қорғаушылары дүйсенбі күні шекараны заңсыз кесіп өтпек болған 9,3 мыңнан астам мигрантты ұстады. Бұл туралы бүгін белгілі болды, деп хабарлайды ТАСС.

«Шекараны заңсыз кесіп өткені үшін 9 380 мың адам ұсталды», - делінген полицияның сайтында жарияланған ақпаратта.

Полиция жалған құжатпен жүрген 5 адамға қатысты қылмыстық іс қозғады, тағы 13-і заңсыз адам тасымалдады деген күдікпен тұтқындалды.

Венгрияда ел парламенті 4 қыркүйекте қабылдаған түзетулер пакеті күшіне енді. Заңға енгізілген түзетулер көші-қон және шекара туралы заңнаманы күшейтіп, әскерді мемлекеттік шекараны қорғауға қатыстыруды, шекараны заңсыз кесіп өткендерді қылмыстық жауапкершілікке тартуды және саяси баспана беру туралы рәсімді жеделдетуді көздейді.

Дереккөз: bnews.kz