Еуроодақ көші-қон ағынын бақылау операциясын күшейтуді жоспарлап отыр. Бұл туралы кеше ЕО-ға мүше 28 елдің ІІМ басшыларының миграция мәселелеріне қатысты өткізген шұғыл отырысының қорытындысы бойынша жасалған мәлімдемеде айтылған, деп хабарлайды ИТАР-ТАСС.
«Кеңес тиімді шекаралық бақылау көші-қон ағынын басқару үшін қажет екенін атап өтті. Аталған Кеңес «Тритон» және «Посейдон», сондай-ақ EUNAVFOR MED / босқындарды тасымалдайтын кемелерді жою/ операцияларын одан әрі күшейтуге ниетті екенін білдірді», - деп түсіндірілген мәлімдемеде.
Бұған қоса, ІІМ басшылары Еурокомиссияның жыл соңына дейін ЕО-ның сыртқы шекаралардың қауіпсіздігі жөніндегі агенттігінің (Frontex) мүмкіндіктерін айтарлықтай нығайту туралы ұсынысын қолдады.
Дүйсенбіде өткен шұғыл отырыстың қорытындысы бойынша ешбір ресми мәлімдеме қабылданған жоқ.
Дереккөз: bnews.kz
15 қыркүйек 2015, 09:57
Қате таптыңыз ба? Тінтуірмен белгілеп, Ctrl + Enter түймесін басыңыз.
Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.