Әкім Ізмұхамбетов өзінің отставкаға кететіндігі туралы қауесетті жоққа шығарды

Бақтықожа ІЗМҰХАМБЕТОВ алдағы уақытта Атырау облысының әкімі лауазымынан кететіндігі туралы қауесетті жоққа шығарды.

Ағымдағы жылдың 4 қыркүйегінде облыстық мәслихаттың 34-ші сессиясында өңір басшысы депутаттар алдында ҚР президентінің қыркүйектің аяғында – қазанның басында Атырауға сапармен келетіндігін мәлімдеді. Бұл Нұрсұлтан Назарбаевтың жоспарлы сапары болмақ.

Бақтықожа Ізмұхамбетов Атырау облысының әкімі лауазымынан әзірге кетпейтіндігін атап өтті.

Мұрат СҰЛТАНҒАЛИЕВ