​Ресейдің Ставрополь өлкесінде жауған бұршақтан адамдар ауруханаға түсіп, көліктер зақымданды

Ресейдің Ставрополь өлкесінде ірі бұршақ жауып, жарақаттанған тұрғындар ауруханаға түсті, деп хабарлады «Рен тв» арнасы.

Кеше Ставрополь өлкесінің Железноводск қаласында бұршақ жауғаннан кейін жараланған оншақты адам ауруханаға түсті, оның біреуінің сүйегі сынған.

Сонымен қатар, Ставропольде нөсерлетіп өткен бұршақ көптеген автомобильді де зақымдаған.

Осыған дейін ауа райының қолайсыздығына байланысты Ставропольде электр желілеріне залал келтіріліп, 5 мыңнан астам адам жарықсыз қалғаны туралы хабарланған болатын.

Дереккөз: ҚазАқпарат