Қылмыстық істер жөніндегі мамандандырылған ауданаралық соты ҚР ҚК 24-бабының 3-тармағы ("Қылмысқа оқталу") және 121-бабының 4-тармағы ("Көрінеу жас балаға қатысты сексуалдық сипаттағы зорлық-зомбылық әрекеттері") бойынша айыпталған Атырау қаласының бұрын сотты болған 32 жастағы тұрғынына үкім шығарды.
Қылмыс 27 наурызда таңертеңгі сағат 11-де Привокзальныйдағы үйлердің бірінің подъезінде орын алған. 11 жасар қыз баспалдақпен көтеріліп келе жатқанда, оны қаскөй қуып жетіп, өлтірем деп қорқытып, сексуалдық сипаттағы зорлық әрекетін іске асырмақ болады. Бір сәтте қыз сытылып, подъезден қашып шығып, үй жанындағы таксистерден көмек сұраған. Олардың бірі қылмыскерді қуып жетіп құрықтайды.
Қалалық прокуратураның баспасөз қызметі хабарлағандай, сотталушы кінәлі деп танылып, қатаң режимдегі колонияда 15 жылға бас бостандығынан айыру жазасына кесілген.
Мұрат СҰЛТАНҒАЛИЕВ