«Бұл сыр емес» (Видео)

Жайық өзенінің жағалаулары қою жасыл-көк түске боялып, су бетінде майлы дақтардың пайда болуы жергілікті тұрғындарда қауіп туғызуда. Түрлі әңгімелер де пайда болды, соның бірі - өзенге үлкен көлемде жасыл сыр төгілген.

- Алдын ала бағалаулар бойынша, бұл сыр емес, органикалық түзілген нәрсе. Қазіргі уақытта біз экология департаменті өкілдерімен біріге отырып, өзеннен сынама алып жатырмыз, - деп хабарлады Атырау облысының табиғат қорғау прокурорының көмекшісі Жақсылық СИКИМОВ. - Өзеннің төменгі жағынан сынамалар алдық, енді жоғары жақтан аламыз.