В Атырау
-2 
Украинаның бұрынғы президенті Виктор Януковичтің құжаттамасы іздеудегілердің базасынан жоғалып кетті, - деп хабарлайды РБК. Бұл ұйымның Виктор Януковичті іздестіріп жатқаны 2015 жылдың 12 қаңтарында белгілі болған еді. Ол кезде іздеудегілердің тізіміне Украинаның бұрынғы премьер-министрі Николай Азаров, қаржы экс-министрі Юрий Колобов және Укртелекомның бұрынғы басшысы Георгий Дзекон кірген болатын.
Януковичпен 2014 жылдың наурызынан бері жұмыс істеп келе жатқан Joseph Hage Aaronson кеңсесі Интерполдың Украинаның бұрынғы президентіне қатысты іздеу хабарламасын алып тастағанын хабарлады. Адвокаттар Интерполдың айыптауды негізсіз деп есептейтінін, бұл істің терең пысықтау керек деп есептейтінін айтты. Сондықтан да "қызыл ескерту" жойылып, Интерпол өкілдеріне берілген осы тұлғаларды ұстау туралы шешім жойылды. Ұйымның барлық мүшелері Виктор Янукович туралы ақпарат алу мүмкіндігінен айырылды.
Айта кетейік, РБК ресми емес ақпараты бойынша, қазір Виктор Янукович Ростове-на-Дону қаласында.
Дереккөз: tengrinews.kz