Атырау қаласында кісі өлімімен аяқталған көлік оқиғасы орын алды. Бұл 17 шілдеде сағат 23.00-де Махамбет көшесінде, «Насиха» сауда үйінің маңында болған.
Облыстық облыстық ІІД баспасөз қызметінің жетекшісі Гүлназира МҰХТАРОВА хабарлағандай, Махамбет ауданының 20 жастағы тұрғыны «Шевролет-Круз» көлігін жүргізіп келе жатып, белгіленбеген жерден жүгіріп өткен 15 және 16 жастағы жасөспірімдерді басып кеткен: олардың бірі алынған зақым салдарынан сол жерде көз жұмды, екіншісі облыстық балалар ауруханасына жатқызылды.
ҚР ҚК-нің 345-бабы («Жол жүрісі қағидаларын бұзу») бойынша қылмыстық іс қозғалды. Облыстық ІІД анықтау басқармасы тергеу жүргізуде.
Мұрат СҰЛТАНҒАЛИЕВ