Нигерия президенті «Боко Харамға» қарсы тұра алмаған әскери басшыларды қызметінен босатты

АСТАНА. ҚазАқпарат - Нигерия президенті Мохаммаду Бухари «Боко Харам» содырларына қарсы тұра алмағандықтан сынға іліккен Нирегия Армиясының басшысы, флот және әскери әуе күштерінің жетекшілерін қызметінен босатты, деп хабарлады «ВВС» агенттігі.

Енді Нигерия Армиясын Тукур Юсуф Буратаи басқарады. Ол «Боко Харам» содырлары қазіргі уақытта белсенді әрекет етіп жатқан солтүстіктегі Борно штатында туған.

Өткен аптада ғана содырлар кем дегенде 250 нигериялықты өлтірді.

Құқық қорғаушылардың есептеріне сәйкес, соңғы алты жылда қаніпезерлердің қолынан 10 мың жазықсыз адамның қаза тапты.

Ағымдағы жылдың наурыз айында «Боко Харам» «Ислам мемлекеті» тобына адал болуға ант берді. Олар өздерін «Ислам мемлекетінің Батысафрикалық провинциясы» деп атады.

Дереккөз: inform.kz