Барак Обама: содырлардың көзін біржолата құрту үшін Башар Асад орнын босатуы тиіс

АҚШ президенті Барак Обама Пентагонда ұлттық қауіпсіздік кеңесшілерімен бірге ИСИМ содырларымен күрес жөнінде кеңес өткізді. Жиын соңында президент Сириядағы лаңкестерге шабуылды үдететінін мәлім етті, деп хабарлайды Bnews.kz.

«ИСИМ-ге қарсы шабуылды үдете отырып, Сирияға шетелдерден ағылып жатқан содырлардың санын азайтуға мүмкіндік аламыз. ИСИМ-ге қарсы әскери іс-қимылдардан байқағанымыздай, лаңкестік ұйымның стратегиялық тұрғыдан әлсіз тұсы көп. Сонымен қатар, Сириядағы ахуалды ретке келтіріп, содырлардың көзін біржолата құрту үшін Башар Асад орнын босатуы тиіс. Өйткені, ол лаңкестермен күресте аяққа тұсау болып отыр», - дейді Б.Обама.

АҚШ басшысының айтуынша, ол бұл мәселені жуырда РФ президенті В.Путинмен және Парсы шығанағының жағалауындағы мемлекеттердің басшыларымен телефон арқылы сөйлескенін жеткізді.

Дереккөз: bnews.kz