​Емхананы таңдау - өз еркіңізде

- Мен тұрғылықты мекенжайым бойынша ешқашан дәрігерлерге қаралған емеспін. Тиісінше, ешбір емханаға бекітілмегенмін. Егер менде есептен шығару талоны жоқ болса, маған қалай емханаға тіркелуге болады?

Облыстың бас терапеві Алмагүл ҚАБДРАХМАНОВАНЫҢ айтуынша, Бекітілген тұрғындар тізіліміне іліну үшін таңдалған емдеу мекемесінің бас дәрігерінің атына тиісті өтінім жазу керек. Пациенттің мекенжайына тиесілі емхананы да, мекенжайына қарамай-ақ қалауы бойынша басқа емхананы да таңдауына болады. Рас, екінші жағдайда дәрігерді үйге шақыртуда проблема орын алуы мүмкін. Өтінімге жеке бас куәлігінің көшірмесін тіркеу керек.