АҚШ-та долларлық купюраға алғаш рет әйел адамның жүзі бейнеленеді

Алматы. 18 маусым. ҚазТАГ – Америкалық он долларлық банкнотқа әйел адам бейнеленеді. Бұл мәртебегі тап кім лайық болады – мұны АҚШ азаматтарының өздері таңдайтын болады, деп хабарлады АҚШ қаржы министрі Джейкоб Лью.

«Тұңғыш банкноттар айналымға енген сәттен бері біз валюталық купюраларымыздағы адам жүздерін тек бірнеше мәрте ғана өзгерттік, және де жүз жылдан астам уақыт ішінде жаңа «ондықтардың» әйел адамның бет-әлпеті бейнеленген алғаш ақша болатынын мақтан тұтамын», - деген Д. Льюдің сөздерін келтіреді ТАСС бейсенбіде.

Осы ретте Д. Лью ондай ақшалардың 2020 жылы – әйел адамдарға дауыс беруге құқық беретін АҚШ конституциясына 19-түзетімнің қабылдан сәтінен бергі жүзжылдық жылында шығарылатынын нақтылай өтті.

Банкнотта кімнің пайда болатыны тек жылдың аяғына қарай белгілі болады. Министрдің айтуынша, америкалықтар елдегі демократияны көрсететін нұсқасын ұсынулары тиіс. «Талқылауға қосылу үшін, біз бәрімізді біздің сайтымызға кіруге шақырамыз», - деді ведомство басшысы.

Бүгінгі таңда 10 долларлық номиналды банкнотта АҚШ бірінші қаржы министрі Александр Гамильтон бейнеленген, ол бұл лауазымды президент Джордже Вашингтон тұсында атқарған.

Дереккөз: ҚазТАГ