​«Балаусада» асфальт төселеді

Биыл «Балауса» ықшам ауданында жолдарды асфальттау жұмыстары басталмақ.

Бұл туралы ықшамаудан тұрғындарына облыстық энергетика және тұрғын үй-коммуналдық шаруашылық басқармасының басшысы Ақылбек БАЙШАХАНОВ хабарлады. Бұдан бұрын тұрғындар жергілікті билік алдына жол мәселесін бірнеше рет қойған болатын. А.Байшахановтың айтуынша, биыл «Балауса» ықшам ауданының бес көшесіне (№№11, 22, 30, 33, 43) асфальт жолын салу жоспарланып отыр. Жобалау-сметалық құжаттары жасақталып, мемлекеттік сараптамадан өткен. Жалпы, «Балауса» ықшам ауданында ірілі-ұсақты 44 көше бар.

Айнұр САПАРОВА