​Ақжарда су тапшы

– Төрт жылдан бері суық су жоқ. Сумен қамту жүйесі қашан қалпына келеді?

Мәрия Мусиева, Ақжар п. тұрғыны, Хисметов көшесі, 43-2

Сұраққа «АтырауСуАрнасы» КМК директоры Андрей ТАШЛЫКОВ жауап берді:

– «АСА» КМК мамандары аталмыш мекен-жай бойынша тұрғын үйдің сумен қамту жүйесіне тексеру жүргізді. Түнгі уақытта судың үнемі жүретіндігі анықталды. Күндізгі уақытта үй іргесіндегі телімдерді суару үшін су құбырынан жаппай су алу салдарынан қысым төмендеп кетеді. Сумен қамту жүйесін қалпына келтіру мақсатында Ақжар поселкесінің су құбырын қосымша жерден магистральды су құбырына қосу жұмыстары орындалды. Қазіргі уақытта Ақжар поселкесінің поселкеішілік су құбырларын шығыршықтау жұмыстары жүргізілуде.